Permalink
PrintenPermanente link
Naar de actuele versie van de regeling
http://lokaleregelgeving.overheid.nl/CVDR91350
Naar de door u bekeken versie
http://lokaleregelgeving.overheid.nl/CVDR91350/1
Rieglement De Stellingwarver Schrieveri'je Pries
Geldend van 01-01-2009 t/m heden
Intitulé
Rieglement De Stellingwarver Schrieveri'je Pries
DE STELLINGWARVER SCHRIEVERI'JE PRIES RIEGELMENT DE STELLINGWARVER SCHRIEVERI'JE PRIES
Artikel 1
De gemienteraoden van Oost- en West-Stellingwarf stellen tegere een pries veur et schrieven in et Stellingwarfs in.
Artikel 2
De literaire pries het as naeme: De Stellingwarver Schrieveri'je Pries.
Artikel 3
De pries is bestemd veur wark in et Stellingwarfs en wodt ien keer in de twie jaor uutschreven. In et jaor veurofgaonde an de uutrikkinge van de pries wodt van teveuren een bepaold thema of een bepaolde opdracht deur de warkgroep vaastessteld. De warkgroep zorgt d'r veur dat et thema of de opdracht in datzelde jaor deur publikaosie bekend maekt wodt.
Artikel 4
Et doel van disse pries is:a. et anvieteren van et verzorgd bruken van et Stellingwarfsb. et mitwarken an et uutbouwen van de Stellingwarver kultuurtaelc. et mitwarken an een betere gruui en bluui van de Stellingwarver literetuurd. van de beleving van Stellingwarver schrieveri'je deur schrievers en lezers uutkommen tot een beter begrip van en inzicht in de literetuur in et algemien.
Artikel 5
Onder Stellingwarfs wodt in dit riegelment verstaon: de tael die in Zuudoost-Frieslaand, Zuudwest-Drenthe en Noordwest-Overiessel van ooldsher leeft en deur taelkundigen as Stellingwarfs anduded wodt. Dat kan inholen dat ok dialekten die wat veer van de standerd-schrieftael of lieken te staon, aksepteerd wodden kunnen; bi'j twiefel nemt de jury een besluut, zoks, as 't meugelik is, naodat deskundigen raod geven hebben.
Artikel 6
D'r wodt van uutgaon dat dielnemers de standerd-schriefwieze bruken (ok wel de Bergveld-spelling nuumd); ere spellings wo'n ok aksepteerd, mar dan moet veur dat gebruuk wel een reden opgeven wodden die de jury aksepteren kan, èn die spelling moet konsekwent wezen, zoks weer neffens et oordiel van de jury. Bi'j twiefel nemt de jury pas (as zoks meugelik is) nao overleg mit ien of meer deskundigen een besluut.
Artikel 7
a. eerder inzunnen wark wodt uutsleuten.b. as et om een vertaelinge gaot, moet et oorspronkelike wark mit opstuurd wodden;c. juryleden meugen zels niet mitdoen.
Artikel 8
De pries die as uutrikt wodt bestaot uut een oorkonde en een geldbedrag van € 500,00.
Artikel 9
De Stellingwarver Schrieveri'je Pries wodt ien keer in de twie jaor uutrikt.
Artikel 10
De pries wodt omstebeurten deur de borgemeister van Oost-Stellingwarf en zien of heur kollega van West-Stellingwarf, of deur een deur heur an te wiezen bekende persoonlikhied uutrikt.
Artikel 11
In de jury wo'n twie deskundigen keuzen deur de gemientebesturen van Oost- en West-Stellingwarf, op veurdracht van de warkgroep H.J. Bergveld-pries. De dadde deskundige wodt op veurdracht van de warkgroep H.J. Bergveld-pries keuzen deur de Stichting Stellingwarver Schrieversronte. De dadde deskundige wodt niet allienig op grond van inzicht in literetuur, mar meer nog om zien of heur inzicht in et bruken van verzorgd Stellingwarfs anwezen.
Artikel 12
De jury overlegt een repot an de veurzitters van de beide gemientebesturen
Artikel 13
De kosten die bi'j et gehiel maekt wodden bin veur de gemientebesturen van Oost- en West-Stellingwarf. De dielnemers hebben gien recht op bepaolde onkostenvergoedings.
Artikel 14
Veur vieftien oktober van et jaor veur de uutrikkinge het de warkgroep de jury bi'j mekeer brocht, neffens disse statuten.
Artikel 15
Inzunnen wark moet uterlik 1 meert van et jaor van de uutrikkinge van de pries binnen wezen bi'j de siktaoris van de warkgroep.
Artikel 16
Veur 1 juni van et jaor van de priesuutrikkinge heurt de beoordieling klaor te wezen. De daegelikse besturen nemen as regel et veurstel van de jury over.
Artikel 17
In de twiede helte van september wodt de pries in een officiële bi'jienkomst uutrikt. Daoromhenne en daornao wo'n de belangriekste zaeken van et jaor rond De Stellingwarver Schrieveri'je Pries deur de orgenisatoren in de publiciteit brocht. In et kot wodt angeven, hoe de jury tot zien besluut kommen is.
Artikel 18
Alle publiciteit, ankondigings, adverteensies en zo wat henne wo'n deur de warkgroep H.J. Bergveld-pries in et Stellingwarfs daon.
Artikel 19
In gevallen daor dit riegelment gien uutsluutsel veur geft, beslissen de orgenisatoren. In gevallen die et terrein van de jury angaon wodt d'r eerst naar de miening van de leden d'r van vraogd.
Ondertekening
Toelichting 1 Nieuwe Toelichting
1. Veur 1 december van elk jaor wodt in de kraanten (en, as dat kan veur de radio en/of t.v.) tiedinge daon deur de orgenisatoren, dat meensken wark insturen kunnen. D'r wodt veur zorgd, dat in begriepelike tael uutlegd wodt dat et hier gaot om kreatief wark van schrievers op et in artikel 3 bedoelde vlak, en dat meensken die veur disse wedstried wark insturen willen hier niet lezen hoeven, dat heur wark al wat "literaire erkenning" had hebben moet. Mit ere woorden d'r wodt perbeerd, zoveul meugelik drumpels weg te haelen. Dat mag liekewel niet inholen dat d'r niet naor nivo zocht wodden moeten zol. Et doel van de pries wodt daoromme in et kot uutlegd. Veerder wo'n ok de belangriekste zaeken uut et riegelment in de publiciteit brocht, en wodt et adres geven, waor et riegelment en et inschriefformelier besteld wodden kunnen. Et riegelment en et inschriefformelier wo'n op anvraoge ommenocht toestuurd.2. Waor dat neudig liekt, vraogen de orgenisatoren hulp van et buro van de Stichting Stellingwarver Schrieversronte. Ok kan et bestuur van die stichting raod geven, as de organisatoren dat neudig vienen.3. De Warkgroep H.J. Bergveld-pries is een kemmissie, die deur de orgenisatoren insteld is om:a. et riegelment en de procedure te bewaeken;b. een reuster van oftreden op te stellen van de jury;c. een veurdracht te maeken van ni'je juryleden, die benuumd wodden deur de in artikel 11 nuumde instellings;d. de uutrikkinge te orgeniseren;e. de publiciteit te verzorgen;f. een koncept-begroting op te stellen;g. veerder orgenisatorisch wark te verzetten.
Ziet u een fout in deze regeling?
Bent u van mening dat de inhoud niet juist is? Neem dan contact op met de organisatie die de regelgeving heeft gepubliceerd. Deze organisatie is namelijk zelf verantwoordelijk voor de inhoud van de regelgeving. De naam van de organisatie ziet u bovenaan de regelgeving. De contactgegevens van de organisatie kunt u hier opzoeken: organisaties.overheid.nl.
Werkt de website of een link niet goed? Stuur dan een e-mail naar regelgeving@overheid.nl