Permalink
PrintenPermanente link
Naar de actuele versie van de regeling
http://lokaleregelgeving.overheid.nl/CVDR88259
Naar de door u bekeken versie
http://lokaleregelgeving.overheid.nl/CVDR88259/1
Rieglement H.J. Bergveld Pries
Geldend van 01-01-2009 t/m heden
Intitulé
Rieglement H.J. Bergveld PriesH.J. BERGVELD PRIES<vet> RIEGELMENT H.J. BERGVELD-PRIES</vet>
Artikel 1
De gemienteraoden van Oost-en West-Stellingwarf stellen tegere een taelpries/taelgebiedpries in.
Artikel 2
De taelpries het as naeme: H.J. Bergveld-pries.
Artikel 3
De taelpries is bestemd veur wark in et Stellingwarfs in de briedste zin. Et kan daorbi'j gaon om literair of taelkundig wark. Et hoeft niet per se om schreven tael te gaon, geluud- en/of beeldopnaemen kun ok veur de pries in anmarking kommen, as ok orgenisaosies die heur aktief inzetten veur (et behoold van) et Stellingwarfs.. Et wark moet een belangrieke betekenis veur de Stellingwarver tael hebben of had hebben. D'r is gien tiedstermien waorbinnen et wark verschenen wezen moet. De pries kan mar ien keer uutrikt wodden an dezelde persoon of orgenisaosie.
Artikel 4
Et doel van disse pries is:
- 1.
et anvieteren van et verzorgd bruken van et Stellingwarfs in verschillende domeinen
- 2.
et mitwarken an et uutbouwen van de Stellingwarver kultuurtael
- 3.
et mitwarken an een betere gruui en bluui van et Stellingwarfs
Artikel 5
Onder Stellingwarfs wodt in dit riegelment verstaon: de tael die in Zuudoost-Frieslaand, Zuudwest-Drenthe en Noordwest-Overiessel van ooldsher leeft en deur taelkundigen as Stellingwarfs anduded wodt. Dat kan inholen dat ok dialekten die wat veer van de standerd-schrieftael of lieken te staon, aksepteerd wodden kunnen; bi'j twiefel nemt de jury een besluut, zoks, as 't meugelik is, naodat deskundigen raod geven hebben.
Artikel 6
D'r wodt van uutgaon dat et te beoordielen wark in de standerd -schriefwieze staot (ok wel de Bergveld-spelling nuumd); ere spellings wo'n ok aksepteerd, mar dan moet veur dat gebruuk wel een dudelike reden an te wiezen wezen die de jury aksepteren kan, èn die spelling moet konsekwent wezen, zoks weer neffens et oordiel van de jury. Bi'j twiefel nemt de jury pas (as zoks meugelik is) nao overleg mit ien of meer deskundigen een besluut.
Artikel 7
- a.
d'r is gien termien waorbinnen et wark verschenen wezen moet;
- b.
de pries wodt mar ien keer an dezelde persoon of orgenisaosie uutrikt;
- c.
wark van juryleden komt niet in anmarking.
Artikel 8
De pries die as uutrikt wodt is een penning mit daorop de anduding "H.J. Bergveld-pries". Butendat is d'r een geldbedrag van € 1.000,00 veur de prieswinner an verbunnen.
Artikel 9
De H.J. Bergveld-pries wodt ien keer in de zes jaor uutrikt.
Artikel 10
De pries wodt omstebeurten uutrikt deur de borgemeister van Oost-Stellingwarf en zien of heur kollega van West-Stellingwarf, of deur een deur heur an te wiezen bekende persoonlikhied uut de literaire wereld.
Artikel 11
In de jury wo'n twie deskundigen keuzen deur de gemientebesturen van Oost- en West-Stellingwarf, op veurdracht van de warkgroep H.J. Bergveld-pries. As et even kan bin die deskundigen ofstudeerd in de Algemiene literetuurwetenschop, of in de Nederlaanse tael- en letterkunde; eers is et iene die ofstudeerd is in een richting die daor dichte tegen an ligt, of is et iene daor van anneumen wodden kan dat die deur eigen studie genoeg inzicht in de literetuur het. De dadde deskundige wodt op veurdracht van de warkgroep H.J. Bergveld-pries keuzen deur de Stichting Stellingwarver Schrieversronte. De dadde deskundige wodt niet allienig op grond van inzicht in literetuur, mar meer nog om zien of heur inzicht in et bruken van verzorgd Stellingwarfs anwezen. De orgenisatoren zorgen d'r veur, dat elke keer op zien minst ien lid van de jury vervongen wodt. De zittingstermien is uterlik achttien jaor. De onderlinge taekverdieling van de juryleden vaalt onder de eigen verantwoordelikhied van de jury.
Artikel 12
De jury overlegt een repot an de veurzitters van de beide gemientebesturen.
Artikel 13
De kosten die bi'j et gehiel maekt wodden, bin veur de gemientebesturen van Oost- en West-Stellingwarf. De dielnemers hebben gien recht op bepaolde onkostenvergoedings.
Artikel 14
Veur vieftien oktober van et jaor veur de priesuutrikkinge het de warkgroep H.J. Bergveld-pries de jury bi'j mekeer brocht, neffens disse statuten.
Artikel 15
Veur vieftien meert van et jaor van de priesuutrikkinge heurt de beoordeling klaor te wezen. De daegelikse besturen nemen dan as regel et veurstel van de jury over.
Artikel 16
In de twiede helte van meie wodt de pries in een officiële bi'jienkomst in et gemientehuus van omstebeurten Oost- en West-Stellingwarf uutrikt. Daoromhenne en daornao wo'n de belangriekste zaeken van et jaor rond de H.J. Bergveld-pries deur de orgenisatoren in de publiciteit brocht. In et kot wodt angeven, hoe de jury tot zien besluut kommen is.
Artikel 17
Alle publiciteit, ankondigings, adverteensies en zo wat henne wo'n deur de warkgroep H.J. Bergveld-pries in et Stellingwarfs daon.
Artikel 18
In gevallen daor dit riegelment gien uutsluutsel veur geft, beslissen de orgenisatoren. In gevallen die et terrein van de jury angaon wodt d'r eerst naar de miening van de leden d'r van vraogd.
Ondertekening
Drs. H. Oosterman, borgemeister van Oost-Stellingwarf.Drs. G. van Klaveren, borgemeister van West-Stellingwarf.Oosterwoolde/Wolvege, 2008
Toelichting 1
- 1.
waor dat neudig liekt, vraogen de orgenisatoren hulp van et buro van de Stichting Stellingwarver Schrieversronte. Ok kan et bestuur van die stichting raod geven, as de orgenisatoren dat neudig vienen.
- 2.
De warkgroep H.J. Bergveld-pries is een kemmissie, die deur de orgenisatoren insteld is om:
- a.
et riegelment en de procedure te bewaeken;
- b.
een reuster van oftreden op te stellen van de jury;
- c.
een veurdracht te maeken van ni'je juryleden, die benuumd wodden deur de in artikel 11 nuumde instellings;
- d.
de uutrikkinge te orgeniseren;
- e.
de publiciteit te verzorgen;
- f.
een koncept-begroting op te stellen;
- g.
veerder orgenisatorisch wark te verzetten.
Ziet u een fout in deze regeling?
Bent u van mening dat de inhoud niet juist is? Neem dan contact op met de organisatie die de regelgeving heeft gepubliceerd. Deze organisatie is namelijk zelf verantwoordelijk voor de inhoud van de regelgeving. De naam van de organisatie ziet u bovenaan de regelgeving. De contactgegevens van de organisatie kunt u hier opzoeken: organisaties.overheid.nl.
Werkt de website of een link niet goed? Stuur dan een e-mail naar regelgeving@overheid.nl